A ME FIGGHIU DOMENICU

Comu la luna ‘ntà li megghiu siri

fu la tò faccia a lu cumpariri

tu fusti la gioia, lu preju di la casa

tu sini duci comu na girasa.

Li jorna me vacanti mi inchisti

e a gioia di la casa mi ‘nzignasti

quando nascisti tu fu na gran festa

e confusa pi la gioia sintia la testa.

Tu fusti a luci e u suli ‘ntà la casa

purtasti l'allegria in ogni cosa

e quandu ti vidu filici e fistanti

mi passa la stanchizza di li stenti.

Tu curri pi la casa allegramenti

e tutti videndu a ‘ttia semu cuntenti,

tu si filici cu tamburu e tambureddu

e jò ‘cchiù di tia, figghittu beddu.

clicca qui per tornare all'indice delle poesie dialettali