NON SENTU
Non sentu,
o fazzu finta di non sentiri.
Non vidu,
o fazzu finta di non vidiri
ma forti sona a campana a mortu
e a cuda a testa ‘nterra l'accumpagna.
Dulenti sugnu,
da siti chi havi a terra e m'addilura
ma natu ‘ntà stà puvviri jò fui
e cu stà puvviri godu gioia e diluri.
E non sentu,
o fazzu finta di non sentiri,
lu gridu d'abbandonu di la genti
su arsi di famuna e di dinari
e senza li beni non ponnu ‘cchiù campari.
E mentri tutti vannu a ‘ddà funtana
jò sculu i me suduri i l'abbiviru
e u cantu chi iddi fannu di luntanu
‘ntra l'aria si perdi senza arrivu.
E si mi passa allatu na vintata
tanta leggera è chi mancu a sentu
e cuntentu tiru avanti pa me strata
tantu non sentu.
O fazzu finta di non sentiri.
clicca qui per tornare all'indice delle poesie dialettali |