CARU AMICU GINNARU

 

Pigghiu p'avanti e vu dicu in dialettu

chi scrivu ‘ntà sta lingua sulu pi dilettu

non sugnu praticu ma ci provu u stissu

a scriviri sti paroli ma no fazzu o spissu.

 

Non vi dicu chiddu chi successi ajeri

picchì all'amicu non vogghiu rubbari u misteri

e non parru du Ditturi ma du Pueta Ginnaru

chi scrivi belli poesii paru paru.

 

Tu scrivi “chiddu chi vidi” jò ‘ccì dissi,

mentri jò, “chiddu chi vivu”, ma semu i stissi,

scrivemu a vita senza lagni e ‘ccu piaciri

pi dari a ‘ccu ‘cci leggi u sapuri di sapiri.

 

Non semu gran pueti e non di purtamu vantu

ma chiddu chi scrivemu u facemu senza scantu,

u me maistru siti e non mi virgognu a cunfissari

chi sti quattru versi pi faviri onuri vosi fari.

 

Jò Vi salutu caru Ditturi Ginnaru

continuati comu sempri a scriviri paru paru

scriviti a vita e u tempu chi scurri

cu tantu cori e cu tantu amuri.

 

Tanino Materia

 

 

 

 

 

clicca qui per ritornare all'indice della raccolta poesie dialettali